1. Moodle 2.6 vs Moodle 1.9
Neste documento facemos unha descrición breve de algunhas das diferencias entre as dúas versións do Moodle a versión 1.9 e a versión 2.6
Novos bloques de Navegación e Administración
- O bloque de Navegación ofrece enlaces diversos como: A miña área persoal, Meu perfil, Os meus cursos, Curso actual (coas súas seccións e contidos),…
- O bloque de Administración é un menú contextural que en cada momento ofrecerá as opcións de configuración do contexto no que esteamos (curso, recurso ou actividade, perfil de usuario, etc)
O rol de Xestor
- É un novo rol de usuarios.
- Podería definirse como un “administrador de cursos”, xa que ten todos os permisos para xestionar íntegramente calquera curso, e tamén pode crear cursos, pero carece dos permisos de administación do sitio.
- Pode asignarse a nivel do sistema (toda a aula virtual), a nivel de categoría ou a nivel de curso.
Ficheiros privados do usuario
- A cada usuario da aula virtual proporciónaselle o seu propio espazo persoal e privado de almacenamento de ficheiros.
- Pinchando en “A miña área persoal” do menú de Navegación, teremos o bloque “Ficheiros privados de usuario” que facilita o acceso a estes ficheiros.
- Tamén podemos acceder a estes ficheiros desde a páxina de perfil do usuario, no menú Navegación: Meu perfil > Meus ficheiros privados.
Almacenamento de ficheiros nun curso
- Nesta nova versión de Moodle, non existe un cartafol polo que acceder a tódolos ficheiros do curso, como se fácía no Moodle 1.9.
- Para os cursos procedentes da versión 1.9.x si existe un cartafol “Antigos ficheiros do curso” polo que poderemos acceder aos ficheiros tal e como estaban na versión anterior, pero debemos continuar a edición do curso traballando co novo sistema de subida de ficheiros.
- Na nova versión de Moodle, os ficheiros van sempre asociados a un recurso ou actividade, polo que se suben desde a configuracion dese recurso ou actividade, e se accederá a eles cos mesmos permisos que se accede ao recurso ou actividade.
Repositorios
- Os repositorios permiten conectar a aula virtual con sistemas de repositorios remotos e con sistemas de almacenamento na nube como poden ser: DropBox, GoogleDrive, OneDrive, Flickr, Picasa, Amazón S3, Wikimedia, Videos de Youtube, etc.
- Esto permitiranos acceder desde a aula virtual directamente a os ficheiros almacenados nestes sistemas.
Incorporación do editor de ecuacións WIRIS
- Incorporamos o editor de ecuacións WIRIS, que era solicitado polo profesorado hai tempo.
- Para poder utilizado debe ser activado en Administración do sitio > Engadidos > Editores de texto > Editor HTML Tiny MCE > Axustes Xerais (activado por defecto), e debe activarse tamén o filtro correspondente en Administración do sitio > Engadidos > Filtros > Xestionar os filtros.
Incorporación dun editor CLOZE para preguntas
- Para poder utilizado debe ser activado en Administración do sitio > Engadidos > Editores de texto > Editor HTML Tiny MCE > Axustes Xerais (activado por defecto).
- Aínda que o editor está sempre dispoñible no editor HTML, o código xerado só é interpretado no texto das preguntas de tipo “Respostas incorporadas (CLOZE)”.
Integración de calendarios externos no calendario de Moodle
- Podemos sincronizar o calendario da aula virtual cun calendario externo, por exemplo o Google Calendar, de xeito que os eventos que deamos de alta en Google aparecerán tamén no calendario da aula virtual.
Actividade tipo Tarefa cun único tipo de tarefa.
- A partir da versión 2.3 de Moodle aparece un novo módulo de actividade, Tarefa, que integra os catro tipos de tarefas que había anteriormente (Fora de liña, Texto en liña, Envío dun ficheiro, Subida avanzada de ficheiros)
- A versión anterior deste módulo (Tarefa 2.2) poder seguir utilizándose, pero no proceso de actualización faise unha conversión ao novo módulo de tódalas tarefas existentes na aula virtual, e se desactiva ademáis o módulo antigo.
Actividades condicionais
- Aparece a posibilidade de restrinxir o acceso a determinadas actividades dun curso aplicando algúns criterios como as datas, as cualificacións obtidas ou ter completada algunha actividade anterior.
- Esta característica debe ser activada polo administrador do sitio en: Administración do sitio > Caractarísticas avanzadas > Activar acceso condicional.
Círculos
- Os círculos (do inglés Cohorts, traducido ao español como “Cohortes”) son coleccións de usuarios que facilitan a matriculación nos cursos dun conxunto de usuarios cunha soa acción.
- Permítennos reflexar sobre a aula virtual a distribución en grupos do alumnado matriculado no centro.
Agrupamentos
- Un agrupamento defínise dentro dun curso coma un conxunto de grupos do curso.
- Pertencerán ao agrupamento os usuarios que pertenzan aos grupos incluidos nel.
- Os agrupamentos permiten restrinxir o acceso a unha actividade concreta ao alumnado que pertenza a un agrupamento. Así por exemplo, podemos crear un agrupamento de reforzo e definir un conxunto de actividades de reforzo ás que só accederá o alumnado do agrupamento.
- Esta característica debe ser activada polo administrador en Administración do sitio > Desenvolvemento > Experimental > Configuración experimental: Activar só os membros do grupo.
Sistemas de matriculación en cursos
- Engádese o sistema de inscrición mediante Círculos.
- Mantéñense os sistemas anteriores (Automatriculación, Manual, Convidados) pero cambia o xeito de configuralos e de asignar usuarios.
Distincións
- As distincións permiten premiar ao alumnado en función dos seu logros.
- Pódense aplicar a nivel de curso ou a nivel de aula virtual.
- Configúranse en Administración do sitio > Distincións > Configuración de distincións.
Melloras na interfaz gráfica
- Subida de ficheiros mediante arrastrar e soltar (drag & drop).
- Subida dun cartafol de ficheiros comprimido en ZIP mediante arrastrar e soltar.
- Creación de etiquetas con imaxes mediante arrastrar e soltar.
- Creacion de recursos tipo ficheiro mediante arrastrar e soltar.
- Reordenamento de elementos dun curso mediante arrastrar e soltar.
- Duplicar actividades e recursos.
- Diferentes temas en función do dispositivo cliente:
- Default: para navegadores modernos.
- Legacy: para navegadores antigos.
- Mobile: para teléfonos intelixentes.
- Tables: para dispositivos tipo “Tablet”.
- Temas que permiten subir un logotipo personalizado ou que permiten o uso de follas de estilo (CSS) personalizadas.
Creación masiva de cursos
- Permite a creación dun conxunto de cursos de xeito automático desde un ficheiro de datos en formato CSV. É un sistema similar ao de carga de usuarios.
Aplicación Moodle Mobile
- Esta aplicación para teléfonos intelixentes e tabletas permite o acceso á aula virtual Moodle.
- Para poder utilizar esta aplicación contra a aula virtual dun centro, o administrador debe facer estas catro configuracións:
- Activar os servizos web en Administración do sitio > Características avanzadas: enablewebservices
- Activar o servizo de Moodle Mobile en Administración do sitio > Engadidos > Web services > Móbil: Activar os servizos web para móbiles.
- Para utilizar as características adicionais da aplicación, debe activarse un engadido local en Administración do sitio > Engadidos > Web Services > External Services, editar o servizo “Moodle Mobible additional features service”, e activalo.
- Por último, para que permita a conexión co servizo de funcións adicionais, é preciso editar os permisos do rol de usuarios autenticados e concederlle o permiso moodle/webservice:createtoken. Esto faise en Administración do sitio > Usuarios > Permisos > Definir roles, editar o rol Usuario autenticado e permitir a capacidade moodle/webservice:createtoken.
- Pódense ver as funcionalidades desta aplicación, en función da versión do Moodle ao que se acceda (2.6 no noso caso), no gráfico ao final desta páxina (https://docs.moodle.org/31/en/Moodle_Mobile_features)
2. Acceso á Aula Virtual, rexistro e inicio de sesión
1.- Accesoá aula virtual
Os requisitos necesarios para entrar en Moodle e participar na plataforma son os seguintes:
- Ter un navegador web ( Mozilla Firefox, Internet Explorer, Chrome, Sahari, Opera…).
- Ter unha conexión a Internet.
- Coñecer a URL (o enderezo web) do servidor onde se atopa aloxado o Moodle.
- Acceder rexistrándose como usuario da plataforma.
2.- Inicio de sesión
Unha vez visualizada a plataforma no navegador que se está a empregar, para acceder á mesma hai que pinchar sobre o botón Acceso localizado na parte superior dereita da pantalla como se pode ver na seguinte imaxe.
Entón aparece o formulario para introducir o nome de usuario e contrasinal. No caso de olvido do contrasinal este mesmo formulario ofrece a posibilidade de recordalo premendo en Esqueceu o seu nome de usuario ou o contrasinal? que nos remitirá a unha páxina cas instruccións para recuperar o contrasinal.
Tamén podemos iniciar sesión como convidado para ver os cursos que permitan este tipo de acceso, pero deste xeito nunca poderemos participar activamente neles.
3.- Autorexistro
Para poder acceder o primeiro paso é estar rexistrado na aplicación; este rexistro o fan, habitualmente, os administradores da aula virtual como se documenta no tema 3 (Xestión de usuarios e permisos), pero tamén temos a opción de autorexistrarnos sempre que esta posibilidade sexa activada no sitio. Se o autorexistro está activado, no formulario de inicio de sesión anterior, aparece un bloque con instruccións (É esta a súa primeira vez aquí?) e un botón «Crear unha nova conta» no que pulsaremos para rexistrarnos na aula virtual.
Para poder rexistrarse na aula virtual deste xeito é preciso dispoñer dunha conta de correo electrónico. Este sistema só debe ser utilizado polo profesorado dos centros e polo alumnado maior de 14 anos que dispoña, como dicimos, dunha conta de correo eléctronico.
Cando pulsemos no botón «Crear unha nova conta» aparece o seguinte formulario no que debemos introducir os datos que se piden:
Como se indica, todos os campos marcados con * hai que cubrilos obrigatoriamente:
- Nome de usuario —> é o identificador que imos a usar para entrar na aula virtual. Para o profesorado recoméndase usar o mesmo que do correo corporativo (o que vai antes de @edu.xunta.es) xa que non se vai repetir entre todo o profesorado do centro. Para os alumnos recoméndase establecer algunha norma que minimice as coincidencias. Unha proposta de norma poderia ser:
-
- Utiliza en primeiro lugar o nome de usuarios do correo que vas utilizar para darte de alta.
- Se o anterior xa existe ou como alternativa utiliza o nome de pila e primeiro apelido separados por un punto. Por exemplo juan.perez
- Se o anterior xa existe engádelle o segundo apelido. Por exemplo juan.perez.lopez
- Se o anterio xa existe engádelle o ano de nacemento.
- Contrasinal —> o contrasinal é secreto e persoal. Debe cumplir cos requisitos que se indican no formulario. O administrador da aula virtual pode modificar estes requisitos. Se marcamos o cuadro Desenmascarar vemos a contrasinal que estamos a escribir.
- Enderezo de correo —> temos que poñer unha dirección válida de correo electrónico (O alumnado ten que ter máis de 14 anos para poder ter correo electrónico).
- Repetir correo electrónico —> temos que volver a repetir a dirección posta no apartado anterior.
- Nome —> poñeremos o noso nome de pila
- Apelido —> aquí indicamos os nosos apelidos.
- Cidade/Vila —> indicamos a nosa cidade, este campo non é de caracter obrigatorio; pódese deixar en branco.
- País —> indicamos o noso país, por defecto xa aparece España.
- reCAPTCHA —> o CAPTCHA empregase para impedir abusos de programas automáticos. Simplemente escriba as palabras que se ven na imaxe na caixa, en orde e separadas por un espazo.Se non está seguro de que palabras son, pode conseguir outro CAPTCHA, ou un CAPTCHA de son.
Prememos en «Crear a miña nova conta».
Se o nome de usuario ou o correo electrónico introducidos xa está rexistrado, o rexistro será rexeitado e deberemos modificar o dato repetido. No caso de que estea repetido o nome de usuario, normalmente será porque outra persoa xa se rexistrou con él e siemplemente debemos seguir a norma establecida para poñer un nome distinto. No caso de que estea repetido o correo electrónico, debería significar que en realidade xa estamos rexistrados, xa que ningunha outra persoa debería ter feito o rexistro coa nosa conta de correo.
Se os datos son correcto, o sistema enviará unha mensaxe de correo electrónico á conta que se utilizou para este rexistro con instrucións e un enlace para validar o rexistro e poder entón entrar na aula virtual.
O entorno de Moodle 2.6
Entorno de usuario: Menú de navegación; Menú de administración; A miña área; Perfil de usuario…
Entorno de usuario
Unha vez accedemos pódese ver unha páxina similar á seguinte, onde se nos identifica como usuarios na parte superior dereita co noso nome e apelidos, como hipervínculo ao perfil persoal. O resto da páxina divídese nunha parte central onde aparecen listados os cursos dispoñibles que contén a plataforma do noso centro e dúas columnas laterais con distintos bloques dos que xa falaremos máis adiante.
O título de cada curso pode ir acompañado dunha breve descrición do mesmo. Tamén e posible que apareza indicado o profesor/a, e no caso de que un curso vaia acompañado das seguintes imaxes, entenderase que:
 |
Admite convidados |
 |
Ten chave de inscrición |
 |
Resumo do curso |
Os convidados son usuarios non rexistrados que teñen privilexios mínimos que lles permiten ver os contidos dos cursos que o permitan, pero sen participar activamente neles. Este acceso é interesante para cursos de demostración.
Unha chave de inscrición é un palabra chave que pode servir para permitir aos convidados entrar nun curso ou aos usuarios rexistrados inscribirse nun curso.
Premendo no botón resumo amósase ou ocúltase a descrición do curso e os profesores.
Sempre que o usuario teña os permisos oportunos tamén é posible acceder ó curso pinchando directamente sobre o título do curso.
Menú de Navegación
Antes de entrar nun curso na columna esquerda aparece o menú de navegación cos seguintes apartados:
- A miña área persoal: amósanse os cursos nos que participo
- Páxinas do sitio, cos seguintes apartados:
- Participantes
- Blogs do sitio
- Distincións do sitio
- Notas
- Etiquetas
- Calendario
- Meu perfil; cos seguintes apartados:
- Ver perfil
- Comentarios do foro
- Blogs
- Mensaxes
- Meus ficheiros privados
- Distincións persoais
- Notas
- Cursos: amósanse todolos cursos do sitio
Menú de Administración
O menú de Administración cambía dependendo de onde estemos a traballar, páxina principal, curso, recurso, etc…como podemos ver nestas imaxes de exemplo, tendo en conta tamén o papel que teñamos asignado no sitio:
Na páxina principal |
Nun curso |
Nun recurso |
 |
 |
 |
Visualización dos menús
Moodle 2.x ofrécenos dous xeitos de reducir o espazo que ocupan os bloques ou menús na páxina:
- Plegado. Podemos plegar un bloque para que quede visible só o seu título e así ocupe menos espazo vertical na páxina
- Ancorado. Podemos ancorar un bloque a un lado da páxina de xeito que Moodle creará unha barra vertical estreita fóra do contido da páxina no que engadirá cada un dos menús ancorados. Cando pinchemos nun menú ancorado, este visualizarase nunha capa superposta ao contida da páxina sen reducir o espazo dispoñible para o contido da mesma. Así conseguimos aumentar o ancho dispoñible na ventana para o contido que esteamos visualizando na aula virtual. Esta función pode ser muy útil para maximizar o espazo dispoñible na ventana nalgúns formularios complexos como pode ser por exemplo o caderno de calificacións dun curso. Esta función non está dispoñible en tódolos temas.
Vexamos os botón que están na esquine superior dereita dos menús para manexar a visualización dos mesmos:
| Botón | Función | Exemplo |
 |
Plegar o bloque. Oculta o contido deixando o título. O bloque segue a ocupar o mesmo ancho na pantalla. |
Bloque de Navegación plegado |
 |
Desplegar o bloque se estaba plegado. | |
 |
Ancorar o bloque. Envía o bloque a una lateral da ventana. Libera a maior parte do ancho que ocupaba. Unha vez ancorado un bloque, pinchando no seu título visualizase pero nunha capa que se superpón ao contido da páxina. |
Bloques Navegación e Administración ancorados e pechados |
 |
Ocultar un bloque ancorado cando está aberto. |
Bloque de Navegación ancorado e aberto. |
 |
Desancorar o bloque. Este volve a ocupar o seu espazo na ventana. |
BLOQUE 2 PERSONALIZACIÓN E CONFIGURACIÓN DA AULA VIRTUAL
Configuración da páxina principal
Como páxina principal ou de portada da aula virtual entenderemos aquela que vemos cando a URL no navegador de internet remata en ‘aulavirtual2/’ e que non debemos confundir coa páxina de área persoal do usuario coa sesión activa cuxa URL remataría en ‘aulavirtual2/my/’.
Para acceder ao formulario de configuración da páxina principal da aula virtual temos dúas opcións:
- Administración do sitio >> Páxina principal: Configuración da páxina de portada
- Estando na páxina principal, no menú de ADMINISTRACIÓN >> Configuración da páxina principal: Editar a configuración
Accedendo a esta ruta teremos un formulario que comenza como esta imaxe:
Figura 1: Comenzo do formulario de configuración da páxina de portada
Neste formulario podemos configurar, entre outros, os seguintes aspectos:
- Nome completo da aula virtual
- Nome abreviado da mesma.
- Descrición da páxina principal.
- Consiste nun texto HTML, no que polo tanto podemos incluir diversos elementos, que aparecerá coma un bloque na páxina principal.
- Podemos utilizalo para personalizar a aula virtual, para dar unha información breve aos usuarios ou tamén para incluir enlaces a outras páxinas en Internet.
- Que elementos se amosan antes de iniciar sesión (Variable: Páxina principal – frontpage) e unha vez iniciada a sesión (Variable: Elementos da páxina de portada ao acceder):
- Poderemos engadir en cada caso ata 5 elementos a visualizar.
- As opcións que temos para cada un destes elementos son:
- Novos elementos. Aparecerán as últimas novas do sitio.
- Lista de cursos. Cursos dispoñibles na aula virtual
- Cursos nos que se matriculou. Cursos nos que participa o usuario (calquera que sexa o seu papel no curso: profesor, alumno,…)
- Lista de categorías. Poderemos pinchar en cada categoría para ver os cursos que contén.
- Lista combo. Lista combinada de categorías e cursos.
- Caixa de búsqueda de cursos.
- Ningún. Non se visualiza ningún elemento.
- Vemos na seguinte imaxe un exemplo de cofiguración dos elementos que aparecen na páxina principal. Antes de iniciar sesión, so a lista de categorías. Despois de iniciar sesión: Os cursos nos que se participa, a lista combinada de categorías e cursos, e a búsqueda de cursos.
Figura 2: Elementos que aparecen na páxina principal da aula virtual
Bloques da páxina principal.
Outro aspecto a considerar respecto da páxina principal é o conxunto de bloques que aparecen nela.
Temos algúns bloques que normalmente aparecerán sempre:
- Navegación. Non é posible eliminar este bloque. Aparecerá incluso antes de iniciar sesión.
- Administración. Non é posible eliminar este bloque. Aparecerá só coa sesión iniciada.
- Descrición da páxina principal. Amosará o contido introducido na configuración da páxina principal. Pódese agochar ou eliminar. A súa eliminación son supón que se perda o contido introducido na configuración da páxina principal.
- Calendario
Ademais, Moodle ofrécenos unha serie de bloques adicionais que podemos engadir á páxina principal (e tamén aos cursos) que nos ofrecerán información diversa. Algúns destes bloques son:
- Acceso
- Busca nos foros
- Cursos
- Próximos eventos
- Usuarios conectados
- HTML (Permite a introdución de calquera contido con formato de hipertexto)
Para editar o conxunto de bloques da páxina principal, debemos activar a edición de bloques no enlace Activar edición do bloque de Administración
Figura 3: Activar edición da páxina principal
Unha vez activada a edición da páxina principal, nos bloques aparecen novos iconos, que podemos ver nesta imaxe:
Figura 4: Iconos e menú de configuración de bloques.
- Plegar bloque. Plaga o bloque deixando visible só o título. Aparecerá un botón + para desplegalo.
- Levar ao lateral. Ancla o bloque no lateral esquerdo da ventana fora do marco no que se visualizan os contidos comportándose entón coma un menú que se abre cando pinchamos nel.
- Desplazar. Permite desplazar o bloque cara arriba ou cara abaixo no mesmo lateral ou cambialo de lateral.
- Menú de accións. Abre o menú de accións con estas opcións:
- Configurar o bloque. Permite configurar outros parámetros do bloque como dónde estará dispoñible.
- Agochalo. Oculta o bloque sen eliminalo.
- Asignar roles. Permitiría asignar permisos para o bloque.
- Eliminalo. Elimina o bloque. Salvo que sexa y bloque HTML, poderemos engadilo de novo.
Plantillas ou temas da aula virtual
Moodle utiliza un sistema de temas ou plantillas para darlle aspecto á aula virtual e aos seu cursos. Existe un grande número de temas diferentes dispoñibles para a súa instalación entre os que poderemos encontrar algún que se axuste as nosas necesidades e gustos. No proxecto Webs Dinámicas, para a instalación de Moodle 2.6, está instalado un conxunto de temas que polo momento é reducido pero que se irá ampliando segundo se vaian probando novos temas ou os vaian demandando os centros.
Configuración xeral dos temas de Moodle
Na ruta Administración do sitio > Apariencia > Temas: Configuración do tema, podemos modificar unha serie de parámetros que regulan o comportamento xeral dos temas en Moodle.
Figura: Configuración do tema
Neste formularios poderemos configurar, entre outros, estes aspectos:
- Lista de temas. Que temas estarán dispoñibles dentro dos que están instalados. Con esto podemos restrinxir o uso dos temas a un subconxunto reducido.
- Permitir temas de usuario. Activando esta opción, cada usuario poderá elixir con que tema ve a aula virtual, excepto cando entre nun curso que teña forzado outro tema.
- Permitir temas por categoría. Activando esta opción, poderase elexir un tema concreto para cada categoría que se aplicará nos cursos contidos nesa categoría e subcategorías.
- Permitirlle aos usuarios agochar bloques. Cada usuario elixe que bloques da páxina principal ve.
- Permitir que os bloques utilicen a doca. Esta opción é a que habilita a posibilidade de anclar un bloque nun lateral da ventana para que se comporte coma un menú (
). - Elementos do menú personalizado. Neste cadro de texto podemos definir a estrucura dun menú con enlaces que leven de xeito directo a sitios concretos da aula virtual, como poderían ser categorías ou mesmo cursos. Cada liña representa un elemento do menú co seu título, a URL de destino e opcionalmente unha descripción; podemos utilizar guións (-) para definir submenús a varios niveis. No propio formulario de Moodle temos un exemplo.
- Activar a detección de dispositivos. Se imos utilizar distintos temas en función do tipo de dispositivo desde o que se conecta o usuario, debemos ter activa esta opción.
- Expresións regulares para a detección de dispositivos. Permite definir novos tipos de dispositivos ao selector de temas.
Selector de temas
Moodle 2.x permite a seleción dun tema distinto para visualizar a aula virtual en función do dispositivo desde o que se acceda. En principio define catro tipos de dispositivos, que vemos a continuación, pero é posible engadir novos tipos no formulario de configuración do tema que vimos no apartado anterior:
- Default. PC de escritorio ou portátiles con navegadores actuais.
- Legacy. Navegadores antigos (MS Internet Explorer 6)
- Mobile. Teléfonos móbiles.
- Tablet. Tabletas Android e iPad
Accedemos ao selector de temas na ruta Administración do sitio >> Apariencia >> Temas: Selector de temas. Donde teremos un formulario cos catro tipos de dispositivo anteriores.
Se para un tipo temos un tema elexido, veremos unha imaxe do mesmo, o nome e nalgúns casos información adicional.
En todo caso teremos un botón Cambiar o tema para elexir outro ou o primeiro se non tiñamos elexido ningún.
Excepto para o tipo Default, se temos un tema elexido, teremos ademáis un botón Tema anulado para deixar de ter un tema determinado para ese tipo de dispositivo.
Logo de elixir un tema distinto para un tipo de dispositivo, é posible que ese cambio non teña efecto inmediatamente debido a que a información está na caché e pode tardar en refrescarse. Para evitar este problema, dipoñemos ao principio do botón Limpar a caché de temas que provocará que os cambios se apliquen inmediatamente.
Configuración dun tema concreto
Os temas de Moodle 2.x permiten a personalización de vários parámetros. Para acceder a configuración de cada tema iremos a Administración do sitio >> Apariencia >> Temas e ahí pincharemos no enlace do tema que queremos configurar, por exemplo o tema Clean:
Imaxe de logotipo:
Moitas das plantillas de Moodle 2.x permiten incorporar unha imaxe de logotipo, cousa que non permitían as de Moodle 1.x
Para engadir un logotipo á unha plantilla na nosa aula virtual simplemente hai que ir a configuración desa plantilla e engadir o ficheiro coa imaxe de logotipo lo apartado Logo. Para facelo, simplemente temos que arrastrar o ficheiro desde unha ventana do explorador de ficheiros do noso ordenador ao cadro que aparece baixo a etiqueta Logo.